Абрамов "Динамо"ни тарихий рекорд сари етакламоқда

Клуб мавсумни қачон бунчалик узун мағлубиятсиз серия билан бошлаганини биласизми?

Жавоб: 1999 йилда. Ҳа, бундан 26 йил аввал "Самарқанд" деб номланган клуб Олий лиганинг дастлабки 11 та турида 9 та ғалаба ва 2 та дуранг қайд этган. Ўша мавсумда ҳам чемпионатда 16 та клуб иштирок этган ва "Самарқанд" мавсумни 7 та мағлубият билан тугатган ва 5-ўринни эгаллаган.

Маълумот учун, 2000 йилда "Самарқанд-Динамо" мавсум ўртасида кетма-кет 8 та учрашувда ютқазмаган.  

Агар ўтган мавсумни ҳам қўшиб ҳисобласак "Динамо" Суперлигада 9 та ўйиндан буён ютқазмай келмоқда. "Динамо" биринчи даврадаги навбатдаги ўйинларни "Бухоро", "Қизилқум", "Хоразм" ва "Бунёдкор"га қарши ўтказади.