Абдуҳолиқ Қурбонов: “Ғалаба қозонишга уриндик, омадимиз келмади”
25 июн 2022 14:35
Янгиликлар

Абдуҳолиқ Қурбонов: “Ғалаба қозонишга уриндик, омадимиз келмади”

Про лиганинг 13-туридан ўрин олган “Янгиер-қурувчи” – “Шўртан” (1:1) учрашувидан кейин меҳмонлар сардори Абдуҳолиқ Қурбонов фикрларига қулоқ тутдик.

Маълумот учун, Қурбонов мазкур учрашувнинг 10-дақиқасида пенальтидан мезбонлар дарвозасига тўп кирита олмади.

“Биз учрашувга яхши тайёргарлик кўрган эдик. Чунки “Янгиер” билан ўйин биз учун 6 очкога тенг эди. Асосий мақсадимиз ҳам ғалаба қозониш ва турнир жадвалидаги ўрнимизни яхшилашга қаратилганди. Шахсан ўзим ҳам пенальтидан тўп кирита олмадим. Назаримда, пенальти гол бўлганида ўйин бошқача тарзда давом этган бўларди.

Ундан кейин ҳам гол уриш учун имкониятларимиз бўлди, бироқ улардан фойдалана олмадик.

Олдинда ўйинларимиз кўп. Ишонаманки, биз кучли бешликка кириш имкониятига эгамиз ва буни уддасидан чиқамиз", — дейди Қурбонов.

Ҳавола :

Манба : championat.asia

Янгиликларни Телеграмда ўқинг!

Рейтинг: