Йилнинг энг чиройли голи муаллифи - Музаффар Музаффаров: “Менга овоз берганлардан миннатдорман”

Унда “Металлург” футболчиси Музаффар Музаффаровнинг Суперлига доирасида “Навбаҳор” дарвозасига жаримадан киритган голи “Йилнинг энг яхши голи” номинациясида энг кўп овоз тўплади. Шу тариқа ушбу соврин Музаффаровга насиб этди. Тақдирлаш маросимидан сўнг Музаффар сайтимиз учун қисқача интервью берди.

- Авваламбор ушбу тадбирда иштирок этганимдан хурсандман. Бунинг учун менга овоз бериб, ҳар томонлама қўллаб-қувватлаган яқинларимга миннатдорчилик билдираман. Албатта ПФЛ матбуот хизмати томонидан ижтимой тармоқларда ўтказилган овоз бериш жараёни мени бефарқ қолдирмади ва имкон қадар уни кузатиб боришга харакат қилдим. Якунда энг кўп овоз тўплаганимдан мамнунман.

- “Навбаҳор”га қарши ўйинда киритган ўша голим, учрашувда “Металлург”га ғалаба келтирганди. Жарима зарбаларини амалга ошириш бўйича машғулотларда ҳам астойдил ишлайман. Баҳс давомида узоқ масофалардан дарвоза томон зарба йўллаб, омадимни синаб кўришга интиламан. Насиб қилса келгуси мавсумларда ҳам бунданда чиройли голларни уриб, мухлисларга завқ бағишлашга бор кучим билан харакат қиламан.

- Кейинги тақдиримни қайси жамоа билан боғлашим ҳозирча аниқ эмас. Тўғриси, олдимда бир нечта таклифлар турибди. Айрим клублар билан музокарадамиз. Лекин ҳозирча аниқ қарорга келиб улгурмадим. Сабаби фаолиятимни хорижда давом эттиришим ҳам мумкин. Агентлар бу бўйича яқин орада сўнгги гапни айтади. Шунга қараб иш тутаман. Яширмайман, менга ҳозирда ОЧЛда ўйнайдиган клублардан қизиқиш бўлмоқда. Агарда хорижга кетиш варианти амалга ошмаса, балки ўзимни ОЧЛда иштирок этувчи клубда синаб кўрарман. Менимча бу масала ушбу хафтада аниқ бўлади – дейди Музаффаров.