Тожикистон Суперкубогида гол урган ўзбекистонлик футболчи ўйиндан сўнг нималар деди?

Тенгма-тенг курашлар остида ўтган баҳснинг иккинчи дақиқасида хўжандликлар ҳисобни очишди. Гол эса ўзбекистонлик футболчи Санжар Рихсибоев ҳисобига ёзилди. Афсуски, унинг голи жамоасининг ғалабаси учун етарли бўлмади. Якунда Душанбе жамоаси совринни боши узра баланд кўтарди. Беллашувдан кейин ҳамюртимиз Санжар Рихсибоев фикрлари билан ўртоқлашди.

"Бугун икки жамоа учун ҳам қизиқарли ўйин бўлди деб айта оламан. 75-дақиқага қадар ғалаба қозониб тургандик. Икки дақиқада гол ўтказиб юбориб баҳсни бой бериш аламли бўлса керак. Рақибимиз Тожикистоннинг энг кучли жамоаси ҳисобланарди. ОЧЛ гуруҳ босқичига чиқишга жуда яқин келганди. Аммо, биз ҳам муносиб қаршилик кўрсатишга ҳаракат қилдик. Мураббий танаффусда барчаси ўз қўлимизда эканлигини таъкидлади. Ўйинни назорат қилган ҳолда вазиятлардан унумли фойдаланишимиз кераклигини тушунтирди. Биз футболчилар яратган вазиятларимизни голга айлантирганимизда балки, бари бошқача кечиши мумкин эди. Нима ҳам дердим? Ҳаёт давом этади. Тўхтаб қолмаймиз. Бу мағлубият бизни янада кучли қилади. Қалбан қўллаб-қувватлаб турган мухлисларимизни олдинда бошланажак чемпионат баҳсларида ғалабалар билан хурсанд қиламиз деб ўйлайман",- дейди ярим ҳимоячи.

Абдулазиз Искандаров ёзиб олди.