Тен Ҳаг Магуайрнинг "Вест Хэм"га қарши ўйинини юқори баҳолади

"Қизил иблислар" сардори якшанба кунги Премьер-лига ўйинида асосий таркибда майдонга тушди. Марказий ҳимоячи 90 дақиқани майдонда ўтказди ва жамоасига "қуруқ" ғалаба (1:0) қўлга киритишда ёрдам берди.

"Магуайр жарима майдончасини ажойиб тарзда ҳимоя қилди. У қойилмақом ўйинчи, ҳақиқатан ҳам сифатли ҳимоячи. Биз унинг жамоа учун қанчалик муҳим эканини кўрдик. Мен барча ўйинчилардан ва кўп танқид қилинган Ҳарри учун алоҳида хурсандман", – деди Эрик тен Ҳаг ўйиндан кейинги интервьюсида.

Эслатиб ўтамиз, Ҳарри Магуайр сентябрь ойи бошидан бери илк бор Англия чемпионати ўйинида иштирок этди.