Шомуродовнинг агенти "Штутгарт" 10 млн евро таклиф қилгани, ЦСКА ва бошқа жамоаларнинг қизиқиши ҳамда "Ростов" у учун қанча тўлагани ҳақида гапирди
16 окт 2019 13:24
Новости

Шомуродовнинг агенти "Штутгарт" 10 млн евро таклиф қилгани, ЦСКА ва бошқа жамоаларнинг қизиқиши ҳамда "Ростов" у учун қанча тўлагани ҳақида гапирди

Ўзбекистон терма жамоаси ва Россиянинг "Ростов" клуби ҳужумчиси Элдор Шомуродовнинг вакили Қаҳҳор Мўминов ўйинчининг Европа топ-клубларига кетиш имкониятлари ҳақида гапирди.

Элдор Шомуродов: "Танлаш керак бўлса, МЮга ўтмасдан Бундеслигага борардим"

"Transfermarkt"да унинг "Ростов"га ўтган суммаси 750 минг евро деб кўрсатилган. Бу нотўғри: "Ростов" Элдор учун анча камроқ тўлаган.
Ҳозир у энг яхши тўпурар, яқиндагина шартномасини узайтирди, шу сабаб ҳам энди нарх бошқача бўлиши керак. Ўзи умуман ўйинчининг нархи бу - унга таклиф қилинаётган сумма.

"Штутгарт" 10 млн евро атрофида таклиф қилган. ЦСКА ҳам шунга ўхшаш таклиф билан чиққан. Якуний қарорни эса "Ростов" қабул қилиши лозим. Бу масалага қишда қайтишга келишиб олганмиз, биз аллақачон шунга ўхшаш рақамлар бўйича яна бошқа таклифлар ҳам бор.

Лекин, кўриб турибманки "Ростов" қишда уни сотиши қийин масала, бу ерда уларнинг позицияси аниқ. Ўзбекистонда бўлдим ва Элдор ҳамда унинг оиласи билан гаплашдим.

Агар клуб топ-лигалардан муносиб таклифлар олса, ёзда бу масалага яна қайтамиз. Шомуродовнинг "Ростов" билан шартномасида бу борада келишиб олганмиз", - деди Мўминов.