"Ливерпуль" Кьезани Чемпионлар Лигаси рўйхатига киритади. УЕФА қоидаларга ўзгартириш киритган
25 сен 00:54
Новости

"Ливерпуль" Кьезани Чемпионлар Лигаси рўйхатига киритади. УЕФА қоидаларга ўзгартириш киритган

Федерико Кьеза "Ливерпуль" ўйинчисининг жароҳатидан сўнг Чемпионлар лигаси рўйхатига киритилади.

27 ёшли италиялик қанот ҳужумчиси дастлаб "қизиллар"нинг ЕЧЛ рўйхатига киритилмаган эди. Федериконинг ўзи бу ҳолат бўйича шундай деди: "Ачинарлийси, ҳар бир футболчи у ерда ўйнашни орзу қилади. Мураббийга "ҳеч қандай муаммо йўқ," дедим. Мен профессионалман ва "Ливерпул"да ўйнаётганимдан бахтиёрман".

Бугун маълум бўлишича, 18 ёшли ҳимоячи Жованни Леонининг тизза бойлами узилиб кетган ва у бир неча ой майдондан четда қолади. Италиялик футболчи "Ливерпуль" сафидаги илк ўйинида - Англия Лига кубоги доирасида "Саутгемптон"га қарши ўтказилган учрашувда (2:1) жароҳат олган эди.

Фабрицио Романонинг хабар беришича, "Ливерпуль" Леонининг жароҳатидан сўнг Кьезани Чемпионлар лигаси рўйхатига киритади.

"Liverpool Echo" нашрининг аниқлаштириши бўйича, УЕФА жорий турнир бошланишидан олдин қоидаларга ўзгартириш киритган - энди клубларга футболчи жиддий жароҳат олган ёки узоқ муддатли касал бўлган тақдирда (камида 60 кун) рўйхатда битта ўзгариш киритишга рухсат берилади. Ушбу қоида умумий босқичнинг 6-турига қадар амал қилади.

Ссылка :

Источник : twitter.com/FabrizioRomano

Получайте новости прямо в Telegram!

Рейтинг: +2