Роналду Модричга мурожаат қилди: "Реал"да кўп лаҳзаларни сен билан баҳам кўриш мен учун шараф бўлган"
23 мая 16:37
Новости

Роналду Модричга мурожаат қилди: "Реал"да кўп лаҳзаларни сен билан баҳам кўриш мен учун шараф бўлган"

"Реал" собиқ ҳужумчиси, айни пайтда "Ал Насср"да ўйнаётган Криштиану Роналду ярим ҳимоячи Лука Модричга мактуб йўллади.

22 май куни Мадрид клуби хорватиялик футболчининг 2024/25 йилги мавсум якунида кетишини эълон қилганди.

"Ҳаммаси учун раҳмат, Лука! Клубда кўп лаҳзаларни сен билан баҳам кўриш мен учун шараф бўлган. Кейинги ишларингда муваффақият тилайман", – деди Роналду.

Роналду ва Модрич 2012 йилдан 2018 йилгача "Реал"да бирга ўйнаган.

Хорватиялик футболчи 15 июндан 13 июлга қадар АҚШда бўлиб ўтадиган КЖЧдан сўнг "қаймоқранглилар"ни тарк этади. Модрич "Реал"га 2012 йилда "Тоттенхэм"дан келиб қўшилган. Жамоа билан биргаликда 6 марта Чемпионлар Лигасида ғолиб чиққан, 4 марта Испания чемпиони бўлган, 5 марта КЖЧда, шунингдек, УEФА Суперкубоги ва Испания Суперкубогида зафар қучган, икки марта Испания Кубогини қўлга киритган.

Хорватиялик футболчи "Реал" сафида жами 590 ўйинда майдонга тушиб, 43 та тўп киритган ҳамда 95 та голга ассистентлик қилган.

Ссылка :

Источник : Goal.com

Получайте новости прямо в Telegram!

Рейтинг: +9