Роналдо "Вальядолид"ни сотиб юбормоқчи

Хабар қилинишича, Бразилия терма жамоаси собиқ ҳужумчиси клубни яқин орада расман сотиб юбормоқчи. Роналдо бу келишувдан 40 миллион евро ишлаб олишни кўзлаган.

Клубнинг олди-сотди келишуви амалга ошиб бўлгани таъкидланмоқда, аммо томонлар бу ҳақида май ойигача расман эълон қилишмайди.

Роналдо 2018 йилдан буён "Вальядолид"га эгалик қилиб келади. Ўтган давр мобайнида клуб икки марта Примерани тарк этди, жорий мавсум бу яна такрорланиши эҳтимоли юқори: жамоа айни вақтда Ла Лига мусобақа жадвалининг охирги ўринини банд этиб турибди.