Родри "Реал" ҳақида: "Мардонавор мағлуб бўлишни ҳам билиш керак"

"Шаҳарликлар" футболчиси "France Football" талқинига кўра, йилнинг энг яхши футболчиси бўлди ва "Олтин тўп" совринини қабул қилиб олди. Мадрид клуби вакиллари Винисиус Жуниорнинг совринни олмаслигини билиб, маросимга бойкот эълон қилишди.

"Бу қарорни ҳурмат қила олмайман. Спортда ва ҳаётда ғалаба қозониш муҳим аҳамият касб этади. Лекин баъзида мардонавор мағлуб бўлишни ҳам билиш керак. Бу менинг лаҳзаларим эди - бошқаларники қандай бўлганини билмайман.

Улар маросимда бўлишни исташмади. Мен эса мен учун қарсак чалган барчанинг ёнида бўлишни хоҳладим. Бу фантастик онлар эди", - деди Родри.