Расман: “Барселона” Вальвердени ишдан бўшатди

Эрнесто Вальверде душанба куни “Барселона” президенти Жозеп Бартомеу ҳамда клуб директорлари билан учрашувдан сўнг ишдан бўшатилди.

Томонлар ўзаро шартномани бекор қилиш борасида келишувга эришган.

Эслатиб ўтамиз, аввалроқ Вальверде бошлиқ “Барселона” Испания Суперкубоги ярим финалида “Атлетико”га мағлуб бўлганди.

55 ёшли Эрнесто “Барселона”ни 2017 йилдан бери бошқариб келаётганди. Жамоа унинг қўл остида 163 та расмий ўйин ўтказиб, 108 та ғалаба (66,25 фоиз), 35 та дуранг ҳамда 20 та мағлубият қайд этди. “Барса” мураббий қўл остида икки бор Испания чемпиони бўлди, бир мартадан мамлакат кубоги ҳамда Суперкубогига эга чиқди.