"Порту" бош мураббийи: "Гвардиола бизнинг мамлакат ҳақида ёмон сўзлар гапирди"
23 окт 2020 17:30
Новости

"Порту" бош мураббийи: "Гвардиола бизнинг мамлакат ҳақида ёмон сўзлар гапирди"

"Порту" бош мураббийи Сержиу Консейсау Чемпионлар Лигаси доирасидаги ҳаракатлари учун "Манчестер Сити" устози Хосеп Гвардиолани танқид қилди.

"Шаҳарликлар" бу ўйинда Португалия чемпионлари устидан 3:1 ҳисобида ғалаба қозонишди.

"Менинг Гвардиоладан ўрганадиган нарсаларим кўп, айниқса ҳакамларга босим ўтказишда ва рақиб ўйинчилари билан гаплашишда. У фантастик намуна. Мен буни ўрганишим керак. Биз улар билан таққосласак ангел бўламиз. Аммо Гвардиола ёмон сўзларни ишлатган ҳолда бизнинг давлатимиз ҳақида гапирди. Хосеп билан муносабат жуда ҳам ёқимсиз бўлди", - дейди мутахассис.

"Порту" ЧЛнинг кейинги турида "Олимпиакос"ни қабул қилади, "Манчестер Сити" эса меҳмонда "Марсель" билан баҳс олиб боради.

Ссылка :

Источник : Goal

Получайте новости прямо в Telegram!

Рейтинг: +3