Почеттино: "Йирик ҳисобда ютишимиз мумкин эди, вазиятлардан фойдалана олмадик"

"Иккинчи бўлимда жамоа сифатида яхшироқ ўйнай бошладик. Ўзининг позициясини ва вазифаларини яхши тушунгани ҳамда ҳаракатчан футбол кўрсатгани учун футболчиларимдан миннатдорман.

Ўйин осон ўтмади. Биз яхши ҳимояланадиган, ҳимоядан ҳужумга тез ўтадиган ва яхши блок қўя оладиган жамоага қарши ўйнадик. Асосийси - голга тортадиган вазиятлар кўп бўлди. Йирик ҳисобда ғалаба қозонишни истагандик. Бироқ вазиятлардан фойдалана олмадик. Ҳеч қиси йўқ, кейинги сафар шундай ютамиз.

Вейналдум борасида ҳозирча бирор нима дея олмайман. Унинг жароҳати унчалик жиддий эмаслигига умид қиламан. У яқин вақтлар ичида тиббий кўрикдан ўтади", - деди Почеттино.