Ўзбекистонлик уч нафар ҳакам Малайзияда ўтказиладиган VAR тизими бўйича семинарда иштирок этади
11 апр 2019 14:36
Новости

Ўзбекистонлик уч нафар ҳакам Малайзияда ўтказиладиган VAR тизими бўйича семинарда иштирок этади

Шу йилнинг 15-21 апрель кунлари Малайзия пойтахти Куала-Лумпур шаҳрида VAR тизими бўйича семинарнинг бирнинчи босқичи ўтказилади.

Унда Осиёдаги ҳакамлар қаторида Ўзбекистондан ҳам уч нафар ҳакам - Валентин Коваленко, Азиз Асимов ва Ильгиз Танташев иштирок этишади. Семинарни ФИФА ва IFAB мутахассислари олиб боришади. Улар орасида ҳамюртимиз Фарҳод Абдуллаев ҳам бор.

Таъкидлаш керакки, VAR тизими бўйича семинар 3 босқичдан иборат бўлиб, мазкур босқичлардан муваффақиятли ўтган ҳакамларга махсус сертификат тақдим қилинади ва улар учрашувларда VAR бўйича ҳакам сифатида фаолият олиб боришлари мумкин бўлади.

Ҳозирда ўзбекистонлик икки нафар ҳакам - Равшан Эрматов ва Жаҳонгир Саидовда VAR тизими бўйича иш олиб бориш учун сертификат мавжуд.

Ссылка :

Источник : ufa.uz

Получайте новости прямо в Telegram!

Рейтинг: -9