ОКМКнинг тунислик легионери: "Умид қиламанки, янги мавсумда ўзимни кўрсата оламан"
20 фев 2023 10:14
Новости

ОКМКнинг тунислик легионери: "Умид қиламанки, янги мавсумда ўзимни кўрсата оламан"

ОКМК жамоаси қишки трансферлар ойнасида таркибига тунислик ҳимоячи Моҳаммад Салемни қўшиб олди.

Бу Ўзбекистон чемпионати ва олмалиқликлар тарихидаги иккинчи тунислик футболчи ҳисобланади. Қизиғи бу борадаги дастлабки қадамни ҳам ОКМК ташлаган, 2014 йил чемпионатимизда "кончилар" сафида тунислик ярим ҳимоячи Шакер Зуаги пайдо бўлганди. Орадан 9 йил ўтиб унинг ҳамюрти келди. Моҳаммад Салем янги жамоаси ва Туркия йиғини ҳақида қуйидагича фикрларни билдирди.

"Ўйлайманки, яхши жамоага келдим. Икки хафталик йиғин кўнгилдагидек ўтди, дея оламан. 5та назорат учрашувида майдонга тушдик. Натижалар турлича бўлди.
ОКМКда ҳаммаси профессионал ҳолатда ташкил этилган. Футболчилар, мураббийлар ҳақида фикрларим ижобий. Мослашишда қийналмаяпман. Ўзбекистон чемпионатида аввал ҳам тунислик Шакер Зуаги ўйнаганидан хабарим бор. Уни мухлислар ҳамон эслаб туришлари ҳақида айтишди. Умид қиламанки, олдиндаги мавсумда мен ҳам ўзимни кўрсатиб яхши ном қолдиришга ҳаракат қиламан",- дейди Моҳаммад Салем.

Ссылка :

Источник : championat.asia

Получайте новости прямо в Telegram!

Рейтинг: +2