ЎФА ҳакамлар департаменти раҳбари: "Шерзод Қосимов 4та ўйинга четлатилган, лекин ОЧЛда ишлайди"

Ўзбекистонлик ФИФА ҳаками Шерзод Қосимов "Сўғдиёна" - "Бунёдкор" (3:3) учрашувидан кейин Суперлиганинг 4та ўйинидан четлатилгани ҳақида хабар чиққанди. Бироздан сўнг ҳакамнинг ўзи интервью бериб бу мутлақо ёлғон хабар эканлигини маълум қилди.

Биз вазиятга тўла ойдинлик киритиш мақсадида ЎФА ҳакамлар департаменти раҳбари Арслон Хотамовга мурожаат қилдик:

"Шерзод Қосимов Суперлиганинг 4та ўйинига четлатилган. Бироқ бу четлатиш Осиё чемпионлар лигасидаги унинг иштирокига ҳеч қандай таъсир ўтказмайди", - дейди Арслон Хотамов.

Эслатиб ўтамиз, 14 сентябрь куни Қатарда Осиё чемпионлар лигасининг Ғарбий минтақасидан ўрин олган гуруҳ баҳслари бўлиб ўтади. Унда бир қатор ўзбекистонлик ҳакамлар ишлашади. Улар орасида Шерзод Қосимов ҳам бор.

Суперлиганинг 4 та ўйинидан бадарға қилинган ҳакам Шерзод Қосимов Про-Лигада ишлай бошлади         

Шерзод Қосимов: "4та ўйинга четлатилганим ҳақидаги хабарлар ёлғон"