"Наполи" етакчиларидан бири сафдан чиқди
10 сен 2022 10:20
Новости

"Наполи" етакчиларидан бири сафдан чиқди

"Наполи"нинг нигериялик ҳужумчиси Виктор Осимхен жароҳати сабаб яқин орада жамоасига ёрдам бера олмайди, деб хабар берди неаполитанлар клуби расмий сайти.

Футболчига ўнг сон пайлари шикастлангани ташхиси қўйилган. У Чемпионлар Лигаси гуруҳ босқичининг 1-туридан ўрин олган "Ливерпул"га қарши ўйинда (4:1) жароҳат олганди. Футболчининг тикланиш даври тахминан беш ҳафтани ташкил қилади.

23 ёшли Осимхен жорий мавсум "Наполи" сафида 6 та ўйинда майдонга тушиб, 2 та гол урди ва 1 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.

Ссылка :

Источник : sscnapoli.it

Получайте новости прямо в Telegram!

Рейтинг: +1