Мюллер, Боатенг ва Хуммелс Германия терма жамоасига қайтиши мумкин

Германия футбол иттифоқи ва Германия терма жамоаси устози Йоахим Лёв ўртасида учрашув бўлиб ўтган. Унда терма жамоага Томас Мюллер, Жером Боатенг ва Матс Хуммельсларнинг қайтарилиши ҳам муҳокама қилинган. Лёв агар жамоада жароаҳат олганлар кўпайиб кетса, уларни қайтариши мумкинлигини билдирган.

Аввалроқ Лёвнинг Испания терма жамоасидан қабул қилинган 0:6 ҳисобидаги мағлубиятга қарамай бош мураббийликдан кетмаслиги маълум қилинганди.

Маълумот учун, 32 ёшли Боатенг сўнгги бор 2018 йил октябрида мамлакат бош жамоаси сафида майдонга тушган. 31 ёшли Хуммельс ва Мюллер эса 2018 йил ноябрида сўнгги учрашувини ўтказганди.