"Манчестер Сити" етакчиларидан бирига янги шартнома таклиф қилади
05 авг 14:07
Новости

"Манчестер Сити" етакчиларидан бирига янги шартнома таклиф қилади

"Манчестер Сити" раҳбарияти яқин вақт ичида испаниялик ярим ҳимоячи Родри Эрнандесга янги шартнома таклиф қилишни режалаштирмоқда.

Нуфузли инсайдер Фабрицио Романонинг сўзларига кўра, Манчестер клуби 29 ёшли испаниялик футболчи билан 2029 йилнинг ёзига қадар амал қиладиган янги шартнома имзолашга тайёр. Родри норвегиялик Эрлинг Ҳоланддан кейин "Сити"нинг энг кўп маош олувчи футболчиларидан бирига айланиши мумкин.

Ярим ҳимоячининг "шаҳарликлар" билан амалдаги келишуви 2027 йилнинг июнига қадар мўлжалланган.

Аввалроқ матбуотда "Реал" Родрини қўлга киритишни хоҳлаётгани ҳақида хабарлар тарқалганди.

Эслатиб ўтамиз, Родри хочсимон боғлами узилгани сабабли деярли бутун мавсумни ўтказиб юборганди. Испаниялик футболчи АПЛда атиги 3 та ўйинда қатнашди.

Ссылка :

Источник : x.com/FabrizioRomano

Получайте новости прямо в Telegram!

Рейтинг: +2