"Ливерпуль" "Рома"нинг молиявий ҳолатидан фойдаланиб қолиши мумкин

"Corriere dello Sport" хабарига кўра, римликларнинг ҳозирги қарзи 278,5 млн еврони ташкил қилмоқда. Шу боисдан клуб эгалари футболчиларни сотиб юбориш орқали қарзларни тўлаш ниятида бўлмоқда.

"Il Tempo" берган маълумотларга таянадиган бўлсак, 20 ёшли Николо Дзаньолонинг хизматларига "Ливерпуль" томонидан жиддий қизиқишлар бўлмоқда. Юрген Клопп раҳбариятга ушбу футболчини сотиб олишни талаб қилмоқда.

Коронавирус инқирозига қадар Дзаньоло 80 млн еврога баҳоланаётганди.