"Ливерпуль" 70-75 миллион евролик трансферни амалга оширишга яқин
23 окт 2020 13:00
Новости

"Ливерпуль" 70-75 миллион евролик трансферни амалга оширишга яқин

Журналист Фабио Сантини ҳимоячи Калиду Кулибалининг "Наполи"дан эҳтимолий кетиши ҳақида гапирди.

"Менда Кулибали бўйича сенсацион янгилик бор. "Манчестер Сити" ва "Манчестер Юнайтед" ҳам ПСЖ каби сенегаллик учун даъвогарлик қилишган эди. Аммо, энг жиддий даъвогар "Ливерпуль" ҳисобланади. "Қизиллар" "Наполи"га 70 миллиондан 75 миллион еврога қадар маблағ таклиф қилишди. Де Лаурентис ("Наполи" президенти) ҳам ўйинчи учун айнан шунча сўраётган эди", - дейди Сантини.

Эслатиб ўтамиз, "Ливерпуль" асосий ҳимоячиси Виржил ван Дейкдан айрилди. Нидерландиялик футболчи "Эвертон" (2:2)га қарши ўйинда жароҳат олди ва узоқ муддатга сафдан чиқди.

Кулибали "Наполи"га 2014 йилнинг ёзида Бельгиянинг "Генк" клубидан ўтган эди. Трансфер нархи эса 7,5 миллион еврони ташкил этган. 29 ёшли футболчининг Италия клуби билан тузган шартномаси 2023 йилнинг ёзига қадар мўлжалланган.

Ссылка :

Источник : areanapoli.it

Получайте новости прямо в Telegram!

Рейтинг: +8