Кеча жарима майдончаси ичида Шомуродовга қарши қоида бузилганмиди? А Серия собиқ ҳаками бу ҳақда ўз фикрини билдирди
26 авг 16:13
Новости

Кеча жарима майдончаси ичида Шомуродовга қарши қоида бузилганмиди? А Серия собиқ ҳаками бу ҳақда ўз фикрини билдирди

Италия А Серияда ишлаган Жанпаоло Кальварезе кеча А Серия 2-тур доирасида "Рома"нинг "Эмполи" (1:2)га мағлуб бўлган ўйинидаги баҳсли вазиятга муносабатини билдирди.

Шомуродов 90+4 дақиқада дарвоза ёнида қулай имкониятга эга бўлди ва Эммануэль Гьяси томонидан ушлаб қолинди. Вазиятга яқин турган Жуфферли эса фолни қайд этмади ва ҳаттоки мониторга чақирилмади.

Кальварезе эса твиттерда бу вазият бўйича ўз фикрини маълум қилди: "Сўнгги дақиқаларда "Рома" фойдасига пенальти белгиланиши керак эди. Шомуродовда Гьясига қараганда устунлик бор эди. Ўзбекистонлик ҳужумчи тўпни эгаллади, аммо уни яхши қабул қила олмади, сабаби рақиб унинг елкасидан ушлаб турганди".

Эслатиб ўтамиз, Ўзбекистон МТЖ сардори кечаги ўйинда 77-дақиқада захирадан майдонга тушди ва 80-дақиқада бош билан рақиб дарвозасини ишғол қилди.

Ссылка :

Источник : romapress.net

Получайте новости прямо в Telegram!

Рейтинг: +13