Карло Анчелотти: "Мбаппе билан ҳужумимиз кучайди, бироқ..."

"Реал" Испания Кубоги ярим финалида "Реал Сосьедад"га қарши жавоб ўйини асосий вақтида 3:4 ҳисобида мағлуб бўлди ва пенальтилар сериясидагина ғалабани илиб кетди.

Ҳимоя ва ўтказиб юборилган голлар ҳақида

"Биз жамоа сифатида анчагина ўсдик. Гап индивидуал хатолар ҳақида эмас. Алаба яхши ўйнади, бироқ гол олиб келди. Бу шунчаки омадсизлик. Биз тўртта гол ўтказиб юборишга лойиқ эмасдик, тўрттадан кўпроқ гол уришимиз керак эди.

Ўзгардик, Мбаппе билан ҳужумда янада кучайдик. Аммо ҳимояда кўп азоб чекяпмиз. Буни яхши биламиз".

Гюлер ва Эндрик ҳақида

"Улар жамоага ёрдам бера олишини намойиш қилишди. Улар орқали ҳужумдаги фаоллигимиз ошмоқда", - деди Анчелотти.