Гвардиола: "Сити" учун мавсумнинг қолган қисми 3 босқичдан иборат бўлади"

"Дам олиш учун икки кун вақт бор. Энди бир-биримиз билан юзма-юз ўтириб гаплашиб олишимиз мумкин. Термалар ўйинларидан олдин эса бизни уч муҳим баҳс кутмоқда: "Кристал Пэлас", "Лейпциг" ва "Бернли" - уч хил турнирдаги ўйинлар.

Кўп нарса шу ўйинларга боғлиқ. Шундан кейингина мавсумнинг қолган қисмлари учун режалар тузилади.

"Ньюкасл" билан ўйин қийин ўтди. Аслида шундай бўлишини билардик. Жамоанинг ҳозирги маҳоратини ҳисобга олсак, кейинги 5 йилда улар хавфли рақибга айланади. Уларнинг ўйинида ижобий жиҳатлар жуда кўп.  Биз яхши ҳимояландик, ўйин тенг курашлар остида кечди. Вазиятлар икки томонда ҳам бўлди, биз иккита голли вазиятдан фойдаландик ва уч очкони илиб кетдик", - деди Гвардиола.