Эшитдик-да! "Бунёдкор" билан ўйин Фёдоров учун сўнгги имконият, унинг ўрнини Хомяков эгаллаши мумкин
21 июн 2020 16:28
Новости

Эшитдик-да! "Бунёдкор" билан ўйин Фёдоров учун сўнгги имконият, унинг ўрнини Хомяков эгаллаши мумкин

Тошкентнинг "Локомотив" клуби оғир даврларни бошдан кечирмоқда.

Клуб карантиндан кейинги икки турни ўз майдонида ўтказди ва иккаласида ҳам мағлуб бўлди. Дастлаб "Металлург"га 0:3 ҳисобида таслим бўлган "темирйўлчилар", куни кеча "Сўғдиёна"га 1:2 ҳисобида имкониятни бой беришди.

"Локомотив" навбатдаги турни 25 июнь куни Тошкент дербиси доирасида "Бунёдкор" меҳмони бўлади. Тасдиқланмаган хабарларга кўра, мазкур учрашувда "темирйўлчилар" ғалаба қозона олишмаса Андрей Фёдоров истеъфога чиқарилади.

Фёдоров лавозимидан кетган тақдирда унинг ўрнига эҳтимолий номзод сифатида "Машъал" ва "Андижон" клублари собиқ устози Александр Хомяков кўрсатилмоқда. Россиялик мураббий Coca Cola Суперлиганинг 3-туридан сўнг "Андижон"ни тарк этган ва айни пайтда ишсиз.