"Динамо" 5 январдан Тошкентда йиғинни бошлайди
04 янв 2023 16:58
Новости

"Динамо" 5 январдан Тошкентда йиғинни бошлайди

"Динамо" жамоаси эртага, 5 январь кунидан янги мавсумга тайёргарлик доирасидаги иккинчи йиғинига киришади.

Бош мураббий Вадим Абрамов қўл остида пойтахтда ўтадиган ўқув-машғулот йиғини доирасида "Динамо" жамоаси бир қатор назорат ўйинларида иштирок этиши, янги ўйинчиларни кўрикдан ўтказиши режалаштирилган.

2022 йилги мавсум якунларига кўра, "Динамо" билан шартномаси якунига етган аксарият ўйинчилар жамоани тарк этди. Жумладан, Михайло Йованович, Милое Прекович, Евгений Чумак, Сайдулло Раҳматов, Иброҳим Йўлдошев, Ислом Шарипов, Ойбек Нурматов, Саҳоб Рашидов, Марат Бикмаев клуб билан хайрлашди.

Аввалроқ Championat.asia сайти жамоа легионерлар билан хайрлашгани, Бикмаев ва Рашидов жамоани тарк этгани ҳақида ёзган эди.

Эслатиб ўтамиз, Самарқанд клуби ўтган мавсум Суперлигада 15 очко билан охирги ўринни банд этиб, Про лигага тушиб кетган эди.

Ссылка :

Источник : "Динамо" матбуот хизмати

Получайте новости прямо в Telegram!

Рейтинг: +3