Дибала Рим дербисида Гендузи билан жанжал ҳақида: "Бу французнинг тили узун"

2024 йил апрелида "Лацио" ва "Рома" ўртасидаги ўйинда француз ва аргентиналик ўйинчилар ўртасида можаро келиб чиқди, бу вақтда Гендузи Дибалани томоғидан ушлаб олди. Шериклари уларни ажратиб қўйганидан сўнг, иккала футболчи ҳакамга яқинлашди. Дибала эгилиб, ундаги жаҳон кубоги билан тушган сурати акс этган қалқонни олиб, рақибига кўрсатди. Эслатиб ўтамиз, Аргентина 2022 йилги ЖЧ финалида Францияни мағлуб этган эди (3:3, пенальти – 4:2).

"Бу французнинг тили узун, у ёш ўйинчиларни безовта қилади. Бу йигит бизникиларга: "Мен сизларга чипта сотиб оламан ва уйингизга жўнатаман", – деб айтарди. Масалан, Суле ўтган мавсумда "Фрозиноне"да ўйнаган ва бизга у (Гендузи): 'Мен сенга чипта сотиб оламан, сен Аргентинага қайтасан", – деб айтганини гапириб берган.

Бу мени ростдан ҳам ғазаблантирди, майдонда ундан ўч олишни хоҳлардим. Мен айтадиганимни айтдим. Кейин яқинда жаҳон кубоги сурати билан қалқон олганимни эсладим ва оёғимдагини олиб, унга кўрсатдим. Гендузи ҳеч нарса демади", – деб ҳикоя қилди Дибала Серхио Агуэронинг La Casa del Kun подкастида.