"Бу Дембелега айтилган "овозингни ўчир" ишорасими?" — Дуэнинг голни нишонлаши ПСЖ ичида можаро келтириб чиқариши мумкин

Ўйин давомида Дембеленинг ўрнига захирадан майдонга тушиб, дубль қайд этган Дуэ голини қулоқларини ёпиб нишонлаган эди.

Можаронинг илдизи қаерда?

Яқиндагина Франция чемпионати доирасидаги "Ренн"га (1:3) қарши ўйиндан сўнг Усмон Дембеле жамоадошларини танқид қилиб: "Агар ҳар ким фақат ўзи учун ўйнаса, совринларни қўлга киритиб бўлмайди", деб айтган эди. Кўпчилик бу танқидни айнан ёш Дуэга қаратилган деб ҳисоблаган.

Риолонинг хавотири:

Журналистнинг фикрича, Дуэнинг бу ишораси жамоа ичидаги муҳитга салбий таъсир қилиши мумкин:

"Голдан кейин қулоқларни ёпиб олиш — бу танқидни қабул қилмаслик белгиси. Агар бу танқид ОАВ томонидан бўлганида, муаммо йўқ эди. Лекин бу ерда гап жамоадошлар ҳақида кетмоқда. Бу ишораси билан у гўёки Дембелега овозингни ўчир дегандек бўлди.

Менга Дуэнинг характери ва унинг бироз мағрурлиги ёқади, у фантастик ўйин ўтказди. Бироқ бундай ҳаракатлар кийиниш хонасида Дембеленинг: «Бу менга қаратилганмиди?» деган саволига сабаб бўлиши мумкин. Ҳозирги футболчилар бундай майда нарсаларга жуда таъсирчан бўлиб қолишган", — деди Риоло "After Foot" дастурида.

ПСЖ кийиниш хонасидаги вазият қанчалик жиддий эканини тез орада билиб оламиз. Луис Энрике ёш иқтидор ва тажрибали юлдуз ўртасидаги бу "совуқ уруш"ни тўхтатиб қола оладими?