"Боруссия" ва "Барселона" келишиб олишди
24 авг 2018 17:15
Новости

"Боруссия" ва "Барселона" келишиб олишди

"Барселона" ҳужумчиси Пако Алькасер фаолиятини Дортмунднинг "Боруссия" клубида давом эттиради.

Маълумотларга кўра, "Барселона" ва "Боруссия" Алькасер борасида келишиб олишди. Ҳужумчи немис клубига ижара асосида ўтади, аммо шартномада футболчини сотиб олиш ҳуқуқи бўлади.

Алькасер Каталония клубининг асосий таркибидан жой ола билмади. Форвард "Алавес"га қарши ЛаЛиганинг 1-тур учрашуви қайдномасига киритилмади. Олдинроқ, 24 ёшли футболчига "Порту" ва "Бетис" қизиқиш билдираётгани эълон қилинган эди.

Алькасер 2016 йилда "Валенсия"дан "Барселона"га ўтган эди. Каталония клуби форвард учун 30 млн евро тўлаган. Алькасер Каталония клуби сафида ҳозиргача 50та учрашув ўтказиб, 15та гол уришга муваффақ бўлди.

Ссылка :

Источник : Mundo Deportivo

Получайте новости прямо в Telegram!

Рейтинг: +6