"Боруссия Д" Санчони қайтармоқчи

"The Athletic" хабарига кўра, Дортмунднинг "Боруссия" клуби раҳбарияти жорий мавсум ижара асосида "Астон Вилла"да ўйнаётган "Манчестер Юнайтед"нинг 25 ёшли вингери вакилларига клуб уни трансфер қилиш учун "қизил иблислар"га расмий таклиф билан чиқишга тайёр эканини билдирган.

Хабар қилинишича, "Боруссия" ҳали ҳам Санчонинг иқтидорига ишонади ва унинг "Манчестер Юнайтед"га ўтганидан сўнг фаолиятини қайта тиклаш учун янги имконият беришга тайёр. Футболчининг ўзи ҳам аввалроқ Дортмундга қайтиш орзуси борлигини очиқ айтгани трансфер амалга ошиши эҳтимолини янада оширмоқда.

Санчо 2021 йил 85 миллион евро эвазига "Боруссия"дан "Манчестер Юнайтед"га ўтган, бироқ унинг Манчестердаги фаолияти кутилганидек кечмади. У "қизил иблислар" сафида жами 83 ўйинда иштирок этиб, 12 та гол урди ва 6 та голли узатмани амалга оширди.

Санчонинг "Астон Вилла"даги ижара муддати ёзда якунига етади. У "Вилла" сафида 29 ўйинда қатнашиб, 1 та гол ва 1 та голли узатма муаллифи бўлди.