Болалар футболида 2019 йил якунлари: Тошкент биринчи, Наманган иккинчи, Тошкент вилояти учинчи

Якуний рўйхатда Тошкент терма жамоаси 12та олтин, 7та кумуш, 4та бронза билан 1-ўринни қўлга киритди. Бу борада Тошкент шаҳар футбол Ассоциацияси томонидан ўтказиб келинадиган болалар лигаси мусобақалари катта роль ўйнади. Терма жамоалар ўртасида бўлиб ўтган 5та ёш тоифасидаги асосий мусобақанинг 4тасида Тошкент терма жамоаси ғалаба қозонганлигини такидлаб ўтиш лозим.

Иккинчи ўринни, кутилганидек Наманган вилояти қўлга киритди. Вилоят ҳокими, Хайрулла Бозоров томонидан амалга оширилаётган кенг кўламдаги ишлар ўз самарасини бера бошлади. Наманган терма жамоалари йил давомида Республика миқёсида ўтказилган турнирларнинг 5тасида биринчи ўринни қўлга киритдилар. 2та кумуш ва 3та бронзани ҳам қўшимча қилиш мумкин.

Учинчи ўрин Тошкент вилоятига насиб этди. Улар 4та олтин, 1та кумуш ва 2та бронза медалларига эга чиқдилар.

Болалар футболи ачинарли ҳолатга тушиб қолган вилоятлар, булар Хоразм, Қорақалпоғистон Республикаси ва Бухоро вилояти бўлади. Ильдар Магдеев, Улуғбек Бақоев, Жасур Ҳасанов каби футболчиларни тарбия қилган вилоят бор йўғи битта кумуш билан чекланган.