"Барселона" футболчилари тиббий кўрикдан ўтди (фото)

Каталония клуби чоршанба (12 июль) куни янги бош мураббийи Эрнесто Вальверде билан машғулотларни бошлади. "Барселона" асосий жамоасининг 14 футболчиси ҳамда "Барселона B"нинг бир неча ўйинчиси тиббий кўрикдан ўтишди.

Иван Ракитич, Луис Суарес, Рафинья, Яспер Силлессен, Хавьер Маскерано, Пако Алькасер, Серхи Роберто, Алейкс Видаль, Марлон, Дуглас, Томас Вермален, Серхи Сампер, Мунир, Жерар Деулофеу тиббий кўрикдан ўтиб, "Барселона"нинг илк машғулотида иштирок этишди.

Луис Суарес биринчилардан бўлиб "Барселона" машғулотларига қайтди

Иван Ракитич машаққатли машғулотлардан аввал танасининг ҳолатини текширтирмоқда

Аргентиналик ҳимоячи Хавьер Маскерано тиббий ходимлар томонидан текширилмоқда

Июнь ойида терма жамоалар ўйинида иштирок этган 6 футболчи жумадан сўнг клубга қайтади. Улар Серхио Бускетс, Денис Суарес, Андрес Иньеста, Хорди Альба, Люка Динь ва Самуэль Юмтити.

Марк-Андре тер Штеген ва Андре Гомеш Конфедерациялар Кубогида иштирок этгани туфайли АҚШда бўлиб ўтадиган турнирга боришмайди.

Иван Ракитич тиббий кўрикдан муваффақиятли ўтди

Ла Масия тарбияланувчиси Серхи Роберто йўлакчада югурмоқда, шифокорлар эса монитордаги натижаларни кузатиб туришибди

"Барселона" тез орада АҚШга учиб кетади ва Халқаро Чемпионлар Кубогида иштирок этади. Ушбу мусобақанинг илк учрашуви "Ювентус"га қарши бўлиб ўтади ва у Нью Жерсидаги "MetLife" стадионида ўтказилади.

"Барселона"нинг Халқаро Чемпионлар Кубогидаги тақвими:

23 июль - "Ювентус"

27 июль - "Манчестер Юнайтед"

30 июль - "Реал"