"Барселона" 2025 йилда "Камп Ноу"да ўйнай олмаслиги мумкин

Аввалроқ Каталония клуби "Комо"га қарши Гампер кубоги ўйинини реконструкия қилинаётган стадионда ўтказмаслигини маълум қилган эди. Ўйин "Эстади Йохан Кройфф"да бўлиб ўтади.

Каталония клуби Барселона шаҳар кенгашидан лицензия олишда муаммоларга дуч келди. Бундан ташқари, "Камп Ноу"даги абонементлар 10 августдан кейин сотилаиши мумкин, ўшанда мухлисларга қанча абонемент таклиф қилиниши ва қайси нархда бўлиши аниқ бўлади.

As хабарига кўра, қурувчилар ассоциацияси ва Барселона шаҳар кенгаши "блауграна" раҳбарияти тахминларининг ортиқча оптимистик эканини олдиндан кўрсатган.

Қурувчилар ассоциацияси президенти ва "Барселона"нинг президентлигига собиқ номзод Хавьер Вилахоана қурилиш ва рухсатномалар билан боғлиқ муаммолар туфайли "Камп Ноу"нинг очилиши фақат 2026 йил бошида мумкинлигини айтган эди.

Ўтган мавсумда жамоа "Олимпик Льюис Компанис" стадионида ўйнади.