Азар ва Марсело машғулотларга қайтди

“Реал” ҳимоячиси Марсело ва жамоа вингери Эден Азар жароҳатлардан фориғ бўлиб, умумий гуруҳ машғулотларига қайтди. Иккала футболчи ҳам жамоанинг 28 июлдаги машғулотларида қатнашган. Қайд этилишича, Марсело ва Азар “Манчестер Сити”га қарши кечадиган ЕЧЛ 1/8 финали жавоб ўйинида (7 августда) қатнашиши мумкин.

Эслатиб ўтамиз, Марсело мушакларидаги жароҳат сабаб Ла Лигада мавсум сўнгини ўтказиб юборди. Азар эса тўпиғидан олган жароҳати сабаб бир нечта ўйинда қатнаша олмади.