Асрор Алиқулов: "Футболчини эътибори ҳакам ҳуштаги чалингунига қадар майдонда бўлиши керак"
15 июл 2020 21:05
Новости

Асрор Алиқулов: "Футболчини эътибори ҳакам ҳуштаги чалингунига қадар майдонда бўлиши керак"

Про лига навбатдаги туридан ўрин олган "Шўртан" ва "Турон" (3:2) учрашувидан сўнг мезбонлар бош мураббийи Асрор Алиқулов фикрларини билдириб ўтди.

"Ўйин оғир кечишини олдиндан кутгандик. "Турон" жамоаси бу йил ўз олдига юқори мақсадларни қўйган. Жамоадаги футболчиларда иштиёқ кучли эканлиги кўриниб турибди. Улар қанотлардан ҳужумларни шакллантиришади ва ҳавфли вазиятлар ҳосил қилишади. Ўтказиб юборган иккита голимизга ҳам қанотлардаги хатолар сабаб бўлди. Мураббий сифатида бундан қониқмадим. Ўтган турдаги мағлубиятдан кейин футболчиларни ўзига бўлган ишончини қайтаришга ҳаракат қилдик. Ғалаба қозонганимиздан хурсандман. Барибир хатолар бўлди. Футболчиларда ҳаяжон борлиги сабаб қисқа тўп оширишларда кўп хатоларга йўл қўйдик. Ғалабада жамоадаги барчани хизмати катта.

"Турон" бизни яхши ўрганиб чиққанлиги кўриниб турибди. Айрим футболчиларимизга бўш худудлар беришмади. Рақиб жамоада ёш мураббий ишлаётганига қарамасдан юқори савиядаги маслаҳатчи мураббий унга ёрдам бериб келмоқда.

Футболчилардан таблога қараб ёки ҳаёлга берилмасликни талаб қиламиз. Ҳакам ҳуштаги чалингунига қадар уларни бор эътибори майдонда бўлиши керак",- дейди Асрор Алиқулов.

Ссылка :

Источник : championat.asia

Получайте новости прямо в Telegram!

Рейтинг: +1