2013 йилда Роналду ва Моуриньо кийиниш хонасида уришиб кетишига бир баҳя қолган

Маълумотларга кўра, бу воқеа 2013 йилнинг январида, "Валенсия"га қарши Испания Кубоги учрашувидан сўнг содир бўлган. "Реал" 2:0 ҳисобида ютаётган эди ва Моуриньо Роналдудан ҳимояга қайтишни сўради, қўшимчасига уни муваффақиятсиз аут учун танқид қилди. Баҳс эса ўша ҳисобда якунланди.

Моуриньо кийиниш хонасида футболчини танқид қилишда давом этди ва Роналду ўзини тутиб тура олмай шундай деди: "Мен ҳақимда бундай дейишга нима ҳаққингиз бор?!". Моуриньо эса ўзини оқлашни бошлайди: "Мен буни жамоага айтяпман. Сен бироз ҳимояга қайтишинг керак эди". Роналду ўзини боса олмаётган эди ва Моуриньо шундай деди: "Кўпчилик сен ҳимояга кам қайтасан деб ўйлайди, аммо буни айтиш учун уларда жасорат етишмайди". Бу гаплардан сўнг Роналду Жозега ташланди. Футболчилар мушталшувнинг олдини олиб қолишди.