Zohid Abdullaev va Maruf Murodov “Metallurg” safida ko'rikdan o'tishmoqda

Futbolchilarga jismoniy mashqlar bilan birgalikda nazariy jihatdan ko'rsatmalar berilmoqda. Birinchi davra o'yinlarida yo'l qo'yilgan xatolar tahlil etilyapti va ikkinchi davrada bunday kamchiliklardan xoli o'yin ko'rsatish borasida saboq berilmoqda. O'z navbatida Braziliya maydonlarida o'tkazilayotgan jahon chempionatining hal qiluvchi o'yinlari kuzatilmoqda, ulardagi ilg'or tajribalar, betakror kombinaciyalar o'rganilmoqda.

Klubda dastlabki o'zgarishlar sodir bo'ldi. Jumladan, birinchi davrani “Metallurg”da o'tkazgan Sardorbek Soibovga javob berildi. O'z navbatida Farg'onaning “Neftchi” jamoasida birinchi davrani o'tkazgan hujumchi Zohid Abdullaev va yarim himoyachi Maruf Murodovlar bekobodliklar safida ko'rikdan o'tishmoqda. SHuningdek, yoshlar tarkibida ham murabbiylar ishonchini oqlay olmagan bir qator o'yinchilar bilan xayrlashildi.

“Metallurg”ning  CHorvoqdagi yig'ini 12 iyulga qadar davom etadi. SHundan so'ng jamoa CHirchiq shahridagi bazasiga qaytib keladi va bevosita ko'rik uchrashuvlariga etiborni kuchaytiradi. Nazorat o'yinlari haqida keyingi safar batafsil malumot beramiz.