Ziyrak muxlislar uchun! O'qing va 5ta xatoni toping

Mana shunday yangiliklardan biri “O'qing va beshta xatoni toping” deb nomlanadi. Bunda sizlarga xabarlar, voqea, intervyu yoki biror bir maqola havola etiladi.

Mazkur rukndagi xabarlar yoki maqolada ataylab beshta xato malumotni keltirib o'tamiz. Xatolar ona tilimizning grammatikasi bilan bog'liq emas (yani, gap tuzish, imloviy xatolar va hokazo). Balki aniq raqam, ism-familiya, joy nomlari, yosh va yillar bilan bog'liq bo'ladi. Agar ziyrak muxlis bo'lsangiz, marhamat unda quyidagi xabarlar orasida ataylab qilingan 5ta (beshta) xatoni toping va izoh sifatida xatoni yozing va yoniga to'g'risini qoldiring. Qaysi o'quvchimizning qanchalik faolligi shunda malum bo'ladi. Qani, boshladik bo'lmasa!

“MARSEL” MARSELO BELSA BILAN KELISHIB OLDI
“Marsel” prezidenti Vensan Labryunning bayonot berishicha, kelasi mavsumdan boshlab klubni Marselo Belsa boshqaradi. Eslatib o'tamiz, 58 yoshli Belsa ilgari Argentina, CHili va Meksika terma jamoalarini boshqargan. SHuningdek, Bilbaoning “Atletik” jamoasida ham ishlagan. U “Marsel”da hozirgi murabbiy Dide Desham o'rnini egallaydi.

KAPELLO JCH-2018dan KEYIN FAOLIYATINI TUGATADI
Rossiya terma jamoasi bosh murabbiyi Fabio Kapello JCH-2018dan so'ng murabbiylik faoliyatini yakunlashini malum qildi. Bu borada italiyalik mutaxassis shunday dedi: “Rossiya terma jamoasi oxirgi ish joyim bo'ladi. SHundan keyin futboldan ketmoqchiman. Xuddi Aleks Fergyusson kabi yo'l tutaman. U 72 yoshida murabbiylik faoliyatini tugatgan edi, men esa bu paytda 74 yoshda bo'laman”. Eslatib o'tamiz, Braziliyadagi JCHda Rossiya “H” guruhida Janubiy Koreya, Misr va Belgiya terma jamoalariga qarshi bahs olib boradi.

“ARSENAL” MAOSHLARNI KAMAYTIRMOQCHI
Agar “Arsenal” mavsum yakunlariga ko'ra CHempionlar ligasiga chiqa olmasa, klub rahbariyati futbolchilar olayotgan maoshni kamaytirmoqchi. Futbolchilar vazifa bajarilmagan taqdirda shartnomada ko'rsatilgan pul miqdori 25 foizga qisqarishiga rozilik bildirishdi. Hozirgi maosh saqlanib qolishi uchun esa “Arsenal” chempionatni 4-o'rinda tugatishi kerak. Hozircha London jamoasi “Liverpul”, “CHelsi”, “Manchester Siti” va “Everton”dan keyin 5-o'rinda boryapti.

X.Xoliqov tayyorladi.