Zidan Benzema haqida: "U jamoaviy futbolchi va hujumda balansni taminlashda muhim rolni o'ynagan"

- Final uchun taktika va tarkib tanlash qiyin bo'ldimi? Siz o'tgan yil finalda o'ynaganlarni maydonga tushirdingiz, ammo ular boshqa rollarda edi. Bu yilgi ko'rsatmangiz Kardiffdagidan qanchalik farq qildi?

- Haqiqatdan ham bu safar rejamiz boshqacha edi. Bu safar yarim himoyada romb shaklida o'ynadik. Iskodan markazda harakat qilishni so'radim va biz ikki hujumchilik sxemaga o'tdik. SHu bilan birga Marseloni oldinroqqa o'tkazib, hududni nazorat qilishga urindik. U hujumlarga qo'rqmay qo'shildi, Serxio Ramos esa uning qanotini yopdi.

- Kiev va Kardiffdagi finallarda tarkib bir xil bo'ldi, Milandagi bahsda ham ushbu futbolchilarning 9 nafari maydonda bo'lgan. Muvaffaqiyatning kaliti katta o'yinlardagi tajriba va barqarorlik deyish mumkinmi?

- Albatta! Tajriba yirik turnirlarda o'z so'zini aytadi. Faqat shundagina futbolchilar vaziyatga baho berishda qiynalishmaydi.

- Ko'pchilik Kasemiro, Modrich va Kroos taminlagan "Real" yarim himoyachidagi balansga yuqori baho berishdi. Ularning vazifalari haqida gapirib bersangiz.

- Men Kroos va Modrichdan himoyalanish, raqibni bo'sh zonadan ayirib to'g'ri harakatlanishni so'radim. Kasemiro esa bu vaqtda pressingdagi hamkasblarini o'rnini berkitib, maydon markazidagi muvozanatni ushlab turdi. U ikkinchi qavatlardagi kurashlarda ham faol bo'ldi.

- Zamonaviy forvardni qanday tasvirlagan bo'lardingiz? Masalan, Benzemani ko'p tanqid qilishadi, ammo uning jamoaga ishlashi haqida nima deya olasiz?

- Benzema hujumdagi harakatlarimizda balansni ushlab turish uchun muhim rolni o'ynagan. U to'p nazoratiga asoslangan taktikamizni amalga oshirishga yordam bergan. Benzema doimo to'pga ochiladi, uni haqiqiy jamoaviy futbolchi deb hisoblayman.

- To'pga egalik qilish qanchalik muhim?

- Agar to'p sizda bo'lsa, uni qaytarish uchun kuch sarflash shart emas. Demak, siz xavfsizroq xolatda bo'lasiz. To'p bilan raqiblarni ko'proq yugurishga va kuch yo'qotishga majbur qilasiz. Futbolchilarimning sifatlarini yaxshi bilganim uchun shunday qaror qabul qildim. Ammo to'pni shunchaki o'zimizda saqlamadik, ushbu uslubdan hujumdagi maqsadlarimizda foydalandik. Ammo yodda tuting, to'pga egalik qilish g'alabani taminlamaydi! - deydi Zidan.