Zidan: “Al Jazira” bilan bahs qiyin kechdi. Endi sovrinni himoya qilishni o'ylashimiz lozim”

“Beyl uchun xursandman. U ham o'z o'yinidan qoniqdi. U zaxiradan maydong tushdi va gol urdi. 

Natija adolatli bo'ldi, chunki biz g'alabaga haqli o'yin ko'rsatdik. Birinchi bo'lim bizdan omad yuz o'girdi. Ko'plab imkoniyatlarga ega bo'lsakda, gol urolmadik. Biz esa sabr bilan hujum qilishda davom etdik. SHunday bo'ladiki, to'p shunchaki darvozaga kirishni istamaydi va siz o'yinni davom ettirib, vaziyatlarni yaratishingiz lozim bo'ladi.

O'yin kutilganidanda qiyin kechdi, endi biz final haqida bosh qotirishimiz lozim.

Videotakrorlar? Tizim shu taxlit ishlaydi va biz bunga ko'nikishimiz kerak bo'ladi. Biz urilgan gol bekor qilinganda nimalar sodir bo'lgani bizga qorong'u.

Endi biz “Gremio” bilan finalda o'ynaymiz. Qiyin o'yindan keyin tezda tiklanib, sovrinni himoya qilishni o'ylashimiz lozim”, deydi Zidan.