Jora Oganesyan "Lokomotiv"ga qaytmoqchi

Ayni paytda Toshkentda bo'lib turgan futbolchi "Futbol Ekspress" gazetasiga intervyu berdi. Ushbu intervyuning asosiy qismini taqdim etamiz.

- Toshkentda o'ynab yurganimda toshkentlik qizga uylangandim. SHu bois tez-tez bu erga kelib turibman. Bir yil hech bir jamoada o'ynaganim yo'q, Ukraina premer-ligasida faoliyat olib borishim mumkin edi. Lekin u erdagi vaziyat tufayli bu amalga oshmadi. Endi yana O'zbekistonda, "Lokomotiv" klubida o'ynash niyatim bor. Rahbariyat bilan bu borada gaplashdim. Ular ham buni istashmoqda. CHunki ikki yil oldin "Loko"da yaxshi damlarni o'tkazgandim. Bir yil hech qaerda o'ynamagan bo'lsam ham sport formam joyida. O'z ustimda shug'ullanishni kanda qilganim yo'q, - deydi Jora Oganesyan.