JCH-2014. Gollandiya - Kosta-Rika. PREVYU

CHorak final juftliklari orasida favorit va autsayderga ega bo'lgan o'yin aynan mana shu hisoblanadi. Kosta-Rika o'z tarixidagi eng yaxshi natijaga erishib bo'ldi. Gollandiya esa ushbu raqibni mag'lub etib yarim finalga chiqmasa o'zini kechira olmaydi. Ammo Kosta-Rika guruhda Urugvay, Italiya va Angliyani ortda qoldirganini yoddan chiqarmang, 1/8 finalda esa penaltilar seriyasida Greciyani taslim qildi. Lekin gollandlar yuqoridagi jamoalardan ko'ra yorqinroq o'yin namoyish etayotganini tan olish ham kerak.



GOLLANDIYA - KOSTA-RIKA
6 iyul. 01:00
Bosh hakam: Ravshan Ermatov (O'zbekiston)
Qanot hakamlari: Abdulhamidillo Rasulov (O'zbekiston), Bahodir Qo'chqorov (Qirg'iziston)
Zaxira hakami: Noumandiez Due (Kot D'Ivuar)

Taxminiy tarkiblar:

Gollandiya: Silessen - de Vrey, Vlaar, Martins Indi - Yanmaat, de Guzman, Blind, Kuyt - Snayder - Robben, van Persi

Kosta-Rika: Navas - Gamboa, Umanya, Gonsales, Akosta, Dias - Ruis, Borxes, Texeda, Bolanos - Kempbell

Jarohat olgan: N. de Yong (Gollandiya)

Diskvalifikaciya qilingan: Duarte (Kosta-Rika)

Bittadan sariq kartochkasi borlar: Blind, de Vrey, de Guzman - Navas, Gonsales, Kubero, Texeda, Ruis



O'yindan oldingi fikrlar

Lui van Gaal (Gollandiya bosh murabbiyi):

"Kosta-Rika xuddi bizga o'xshab o'ynaydi va hujumlar tashkil qildi. Maqsadimiz – Jahon chempioni bo'lish. Biz buyuk jamoa emasmiz, ammo bizni mag'lub etish qiyin. Hozirga qadar o'zimizga kerakli natijaga erishish uchun o'ynadik, finalga qadar shunday bo'lishini istaymiz".

Xorxe Luis Pinto (Kosta-Rika bosh murabbiyi):

"FIFA va o'yin hakamlaridan Robbenga etiborliroq bo'lishlarini so'rab qolaman. U simulyaciya ishlatganini tan oldi, shu bois hakamlar uni diqqat bilan kuzatishsing".



Qiziqarli faktlar

Bu ikki jamoa oldinlari umuman to'qnash kelishmagan.

2002 yil AQSH terma jamoasi Jahon chempionati chorak finaliga chiqqandi. O'shandan buyon ilk bor KONKAKAF mintaqasi jamoasi Kosta-Rika chorak finalga chiqdi.

Gollandiya mundialning oxirgi to'rtta o'yinida bahs davomida hisobda ortda borayotib yakunda g'alaba qozondi.