"Yuventus" Vlaxovich sotiladigan bo'lsa, "Sevilya" hujumchisi bilan shartnoma imzolamoqchi

"Yuventus" klubi hujumchi Dushan Vlaxovich jamoadan ketgan taqdirda, unga o'rinbosar topib qo'ydi. Turin klubi agar Vlaxovichni sota olsa, uning o'rniga "Sevilya" hujumchisi Yussuf En-Nesirini sotib oladi. Marokashlik futbolchining transfer summasi 30 mln evroga baholangan. Biroq, ispan klubi ayni damda moliyaviy qiyinchiliklar girdobida. SHundak ekan, Yussuf En-Nesirining narxini tushirish imkoni mavjud. 

"Yuventus"ga En-Nesirining jismoniy ko'rsatkichlari va jamoaviy o'yindagi foydali harakatlari maqul kelmoqda. 

Malumot uchun, o'tgan mavsumda Yussuf En-Nesiri La Ligada 31 o'yinda maydonga tushib, 8 ta gol urishni uddaladi.