Yuriy Lukin: "Vagapov "Qizilqum"da qoladimi yoki yo'qmi hali malum emas"

Murabbiy "Futbol Ekspress" gazetasiga intervyu berdi.

- 1 dekabr kuni Toshkentda "A" licenziyasi uchun murabbiylar o'quv kursi boshlandi. O'qish bir oy davom etadi. "Qizilqum" yangi mavsumga tayyorgarlikni 20 dekabr kuni Navoiyda boshlaydi. Toshkentdagi o'qishim bois ushbu yig'in mensiz o'tsa kerak. Bu yig'inda asosan tiklanishga etibor qaratiladi. Yangi yil bayramini o'tkazib 6 yanvardan yana tayyorgarlikni Navoiyda davom ettiramiz.

- Hozircha faqat Navro'z Alimov jamoamizni rasman tark etdi. U "Paxtakor"ga ko'chib o'tdi. Undan boshqa ketganlar yo'q. Lekin ko'plab o'yinchilarning masalasi ochiq turibdi. Masalan, jamoamiz etakchilaridan biri Ruslan Vagapov ham qoladimi yo'qmi, aniq emas. SHunga qaramay jamoa negizini saqlab qolishga va uni kuchaytirishga harakat qilamiz, - deydi Lukin.