"Yunayted" SHouni yanvargacha yo'qotdi

19 yoshli angliyalik futbolchi "Emireyts"ni oyog'iga qo'yilgan maxsus moslama yordamida tark etdi. Dastlabki xulosalarga ko'ra futbolchi 3 haftacha maydonga tusha olmasligi kerak edi.

Biroq chuqurlashtirilgan tibbiy ko'rikdan so'ng SHouning jarohati jiddiy ekani malum bo'ldi. The Telegraph nashrining xabariga ko'ra, futbolchi bir yarim oy maydonga tusha olmaydi.

Lyukning jarohati Lui Van Gal uchun haqiqiy bosh og'rig'iga sabab bo'ldi. Birinchidan Angliyada "boksing dey" boshlanmoqda, ikkinchidan SHouning o'rnida o'ynay oladigan himoyachi yo'q.

CHap qanotda o'ynashi mumkin bo'lgan Deyli Blind ham jarohat olgan. Markos Roxo, Fil Jons va Jonni Evans kabi himoyachilar ham jarohatlarini davolashmoqda.

"Arsenal" bilan bahsda SHou majburan maydonni tark etgach uning o'rnida yarim himoyachi Eshli Yang o'ynadi.