Yosh "temiryo'lchilar" A.Ivankov xotira turnirida ikkinchi bo'lishdi

Ushbu musobaqada ishtirok etgan "Lokomotiv" futbol maktabining 2004-2005 yillarda tug'ilgan tarbiyalanuvchilari sovrinli ikkinchi o'rinni qo'lga kiritishdi.

Xotira turnirining hal qiluvchi final bahsida yosh "temiryo'lchilar" "Paxtakor" futbol maktabi tarbiyalanuvchilariga qarshi bahs olib borib, 0:1 hisobida mag'lub bo'lishdi. Umuman olganda, final o'yini juda qiziqarli kechdi. O'yindagi yagona gol birinchi taym oxirlarida kiritildi. SHundan so'ng ham "Lokomotiv" futbolchilarida hisobni tenglashrish uchun imkoniyat bo'ldi, biroq omad kelmadi.

SHunga qaramay, Otabek Mansurov shogirdlari turnir davomida yaxshi o'yin namoyish etishdi deya olamiz. Yosh futbolchilarimiz avvaliga "Spartak"ni 2:1 hisobida mag'lub etgan bo'lishsa, keyingi uchrashuvda "CHilonzor"ni 3:1 hisobida engishdi. Undan keyin esa ROZK bilan 0:0 o'ynaldi. Va final uchrashuvida kichik hisobda yutqazib qo'ydik.

Xotira turnirining yopilish marosimida futbol faxriysi, o'z vaqtida Aleksandr Ivankov bilan birga to'p surgan Ravshan Yunusov, Toshkent shahar futbol federaciyasi rahbari Mamur Yusupov, "Lokomotiv" futbol klubi sport direktori Qobil Yunusov hamda Aleksandr Ivankovning o'g'li Denis Ivankov ishtirok etishdi.

Final bahsi yakuniga etgach, odatdagidek g'olib va sovrindorlarni taqdirlash marosimi o'tkazildi. "Lokomotiv" tarbiyalanuvchilaridan Uchqunov Siddiq "Musobaqaning eng yaxshi darvozaboni" deb topilgan bo'lsa, Asamov Saidkomil "Musobaqaning eng yaxshi o'yinchisi" deb topildi.