Yaponiya terma jamoasi bosh murabbiyi: "Parij Olimpiadasiga qita chempionlari maqomida borishni maqsad qilganmiz"

- Janob murabbiy, jamoangizning musobaqadagi umumiy ishtiroki va ertangi final bahsi haqida fikr bildirsangiz...

- Biz bu erga qadar etib kelganimiz katta natija. Bizning maqsadimiz keyingi so'ngi uchrashuvda ham g'alaba qozonish.

Joel Fujita, o'yin haqida nimalar deya olasiz?

- Ertaga final va finalda g'alaba qozonish uchun maydonga chiqamiz.

- O'zbekiston terma jamoasi bilan o'tgan Osiyo Kubogida ham to'qnash kelgan edingiz. O'sha uchrashuvdan qanday xulosalar chiqardingiz?

- Albatta, o'sha uchrashuvni eslayman. Ammo jamoalar ushbu vaqt ichida ancha o'zgarishdi deb o'ylayman va ikki yil muqqadam o'tkazilgan o'yinni eslash biroz noto'g'ri.

Joel Fujita, ikki yil avvalgi o'yindan nimalarni eslaysiz? Hozirgi O'zbekiston terma jamoasi qanchalik o'zgaribdi?

- O'zbekiston terma jamoasi juda yaxshi tayyorgarlik ko'rgan edi. Ular jismoniy va texnik tomonlama kuchli jamoa. O'sha uchrashuvda biz yaxshi o'ynay olmagan edik. Ushbu musobaqadagi raqibimiz hali gol o'tkazib yuborgani yo'q. Finala oson bo'lmasligi aniq.

- Ushbu kubokni yutish siz uchun nimani anglatadi? Agar musobaqada g'alaba qozonsangiz, Olimpiya o'yinlaridagi natijaga tasir qiladimi?

- Ushbu musobaqani Olimpiada bilan bog'lash noto'g'ri deb o'ylayman. Sababi Olimpiadagacha hali bor. Biz ertangi kunni o'ylashimiz kerak.

- Joel Fujita, jamoa sardori sifatida ertangi uchrashuv oldidan futbolchilar bilan suhbatlashdingizmi?

- To'g'risini aytsam, jamoa sardori sifatida jamoadoshlarimga bir nima deyishim noto'g'ri. Ular barcha masuliyatni tushunib turishibdi. Men faqat o'zimning o'yinimni yaxshilash haqida o'ylashim kerak.

- O'zbekiston terma jamoasi ushbu musobaqada gol o'tkazmayotgani haqida ko'p gapirildi. Siz esa ushbu musobaqa davomida jamoangiz etarlicha gol urmayotgani haqida xavotirda ekanligingizni ko'p marotaba aytib o'tdingiz. Ertaga gol o'tkazmayotgan jamoaning darvozasiga qanday yo'l topmoqchisizlar?

- Xavfli vaziyatlar yarata olishimiz aniq, ammo ularni golga aylantirishda muammolar bor. Biz o'yindan o'yinga kuchayib bormoqdamiz va umid qilamanki, ertaga eng yaxshi sport holatimizda bo'lamiz.

Joel Fujita, final uchrashuvidan oldin qandaydir hayajon va bosimni his etyapsizlarmi?

- Ha, ammo barchasi bosh hakamning hushtagi chalinganidan so'ng o'tib ketadi. Muhimi, etiborni bir joyga jamlash.

- Tokio va Parij Olimpiadalari saralashida ishtirok etgan terma jamoalar bir-biridan qanchalik farq qiladi?

- Ha, siz aytib o'tganingizdek, ikki saralash davri har xil o'tgan. Osiyoda futbol rivojlanmoqda va hozirgi kunda barcha jamoalar kuchli. Biz Yaponiya sifatida darajani ushlab turishimiz kerak deb o'ylayman.