Xurshid G'iyosov: “Mirjalol Qosimovni qattiqqo'l murabbiy deb hisoblayman“

Har ikki golga jamoaning yangi futbolchisi Xurshid G'iyosov mualliflik qildi. O'yindan so'ng futbolchi «Championat.asia» saytiga o'yin haqida qisqacha intervyu berdi.

«Avvalambor, assalomu alaykum barcha championat.asia o'quvchilariga. Hozirgi paytda yangi mavsumga tayyorgarlik davom etmoqda. Kuniga ikki mahaldan mashg'ulotlar olib borilmoqda. Har doim bunday o'yinlar qiyin bo'ladi. O'yin yaxshi bo'ldi deb o'ylayman va bugun 2-0 hisobida g'alaba qozondik», - dedi Xurshid G'iyosov.

Bugungi o'yinda siz ikkita golga mualliflik qildingiz. Ikkinchi golni esa burchak zarbasidan to'g'ri darvozani ishg'ol qildingiz.

- Gollarim jamoaning gollari deb hisoblayman. Oxirgi vaziyatda oyog'imni to'pga qo'ydim va gol urdim. Bu gollar jamoaviy deb atasak bo'ladi.

Jamoaga qo'shilib ketish qiyinchilik tug'dirmadimi?

- Yo'q aslo! Jamoaga kirishib ketishim juda yaxshi bo'ldi. Bu erdagilarni ko'pini taniyman. Ular yaxshi qabul qilishdi, ichki muhit ajoyib.

Biz Mirjalol Qosimovni qattiqqo'l murabbiy deb bilamiz. Bu o'yinchilarga qulaylik tug'diradimi yoki yo'q?

- Mirjalol Qosimovni qattiqqo'l murabbiy deb hisoblayman. Bu juda yaxshi deb o'ylayman. Menimcha, bu bizga umuman noqulaylik tug'dirmaydi.