Xuan Mata: "Biz har doim g'alaba haqida o'ylaymiz"

"Manchester Yunayted" o'z uyida Moskvaning CSKA jamoasini qabul qilib 2:1 hisobida g'alaba qozondi. Ushbu uchrashuvdan so'ng, "Manchester Yunayted" klubi futbolchisi Xuan Mata o'z fikrlari bilan o'rtoqlashdi.

"Biz g'alaba qozonishimiz kerak edi. Ushbu uchrashuvda bizni 1 ochko ham qanoatlantirardi, lekin biz har safar faqat g'alaba qozonish uchun maydonga chiqamiz. Ushbu g'alabadan so'ng, biz xush kayfiyatda "Manchester Siti"ga qarshi uchrashuv uchun tayyorgarlik ko'ramiz. G'alabalar ishonch bag'ishlaydi. Yakshanba kuni bizni katta o'yin kutmoqda. Ushbu bahs qanchalik muhimligini tushinib turibmiz. Bir kun dam olamiz va ertasi kuni "shaharliklar"ga qarshi uchrashuv uchun tayyorgarlikni boshlaymiz", - deydi Xuan Mata BBCga bergan intervyusida