Xose Venansio Lopes: "Hali hamon xatolarga yo'l qo'ymoqdamiz. Jahon chempionatiga qadar ushbu vaziyatni to'g'irlashimiz kerak"

- O'yin haqida

- Bugungi uchrashuvning bazi vaziyatlarida nazoratni qo'ldan boy bergan vaziyatlarimiz kuzatildi, afsuski. Bugun HusniddinNishonov juda yaxshi o'ynadi. Uning o'ziga bo'lgan ishonchi yanada ortadi degan umiddaman.

- Bugungi o'yindan qanchalik ko'nglingiz to'ldi?

- G'alaba qozonish yoqimli, ammo xatolarimiz etarlicha bo'ldi. Hali hamon xatolarga yo'l qo'ymoqdamiz. Ushbu jihat ustida ko'p ishlashimiz kerak. Jahon chempionatigacha qolgan davrda o'yinimizni yaxshilab olishimiz kerak.

- Abbos Elmurodov juda baland poziciyada o'ynadi. Ushbu usul raqiblarga ham ancha noqulaylik tug'dirdi. Bunday uslub tayyorlangan rejamidi?

- Ha. Bu o'ylangan reja edi. Biz har doim darvozabonni oldinroqda o'ynashining tarafdorimiz. Elmurov oldinga chiqib o'ynayotgani sababli raqib chuqurroq himoyalandi va bu bizga yanada qo'l keldi va yanada ko'proq imkoniyatlar yaratib berdi.

- Bugun qaysi tarkib maydonda bo'lishidan qatiy nazar bir nafar futzalchi har doim hujumchi poziciyasida bo'ldi. Ushbu jihat haqida fikrlaringizni gapirib o'tsangiz?

- Bizda har bir to'rtlikda muvozanat bo'lishi tarafdorimiz. Birinchi to'rtligimiz ko'proq harakatlar va ochilishga asoslangan. Biz to'rtda taktik uslubda o'ynaymiz. Ikkinchi to'rtligimiz esa 3-1 taktik sxemasi ostida o'ynaydi.

- Terma jamoa o'yinida qanday kamchiliklarni kuzatmoqdasiz?

- Jismoniy holatimiz yaxshi emas. Futzalchilarning harakatlari og'ir. Biz jismoniy holatimizni eng yuqori darajaga olib chiqishimiz kerak.

- Mundialga qadar yana o'rtoqlik uchrashuvlari rejalashtirilmoqdami?

- Ha. Biz 6-8 sentyabr kunalri Braziliya milliy terma jamoasiga qarshi o'yinlarda ishtirok etishimiz kerak.